İyun ayının 1-dən Sumqayıtda yerləşən "Real" Tibb Mərkəzi işini dayandırıb. Mərkəz lisenziya problemi ilə bağlı fəaliyyətini dayandırmalı olub. Baş həkim Vidadi Əzimov xəbəri təsdiqləyib: "Bəli, "Real" Tibb Mərkəzi fəaliyyətini dayandırır. Səbəb isə lisenziyamızın vaxtının bitməsi və cari təmir işləridir."

Bu fasilənin nə vaxta kimi davam edəcəyinə gəldikdə isə baş həkim bu suala dəqiq cavab verə bilməyəcəyini bildirib: "Qeyri-müəyyən vaxta kimi. Bizə də bəlli deyil".

Qeyd edək ki, lisenziyası ləğv edilən səhiyyə müəssisəsi Xətai Rayon İcra Hakimiyyətinin başçısı Razim Məmmədova məxsusdur. İcra hakimi 1999-cu ildə yaradılmış "Real-İnşaat" firmasının həmtəsisçisi, 2004-cü ildə Sumqayıt şəhərində yaradılmış "Real Tibb Mərkəzi" MMC-nin təsisçisi və direktoru olub. \\ gundelik-baku.com \\