Son vaxtlar ayrı-ayrı məmurların özləri və sürücüləri ilə bağlı avtoxuliqanlıq halları haqda mediada məlumatlar yayılır. Bu sırada icra başçılarının avtomobilləri də yer alır. İndi isə cumhuriyyet.az-a Beyləqan rayon icra hakimiyyəti başçısının 11 AA 001 dövlət nömrə nişanlı xidməti avtomobili ilə bağlı məlumat daxil olub.
Beyləqandakı mənbənin cumhuriyyet.az-a verdiyi məlumata görə icra başçısının xidməti avtomobili rayon daxilində yol hərəkəti qaydalarına əməl etmir. Belə ki, 11 AA 001 dövlət nömrə nişanlı avtomobil dəfələrlə svetaforun qırmızı işığında yolu keçir. Rayon sakinlərinin bildirdiyinə görə belə yol hərəkəti qaydalarının pozulması zamanı icra başçısının özü avtomobildə olmasa da sürücünün bu hərəkətləri narazılıq yaradır.