Nərimanov rayon Əhməd Rəcəbli küçəsində yerləşən “Qardaşlar” marketində müştəriləri aldatmağın yeni üsulunu icad ediblər. Bu barədə əməkdaşımıza mağazada alış-veriş edən müştərilərdən biri xəbər verib. Müştərinin dediyinə görə mağaza tərəfindən vitrindəki malın qiyməti ucuz göstərilir və kassaya yaxınlaşıqda isə satıcı onları baha qiymətə hesablayır.

Moderator.az-ın əməkdaşı bu gün adı çəkilən mağazada olub və baş verən saxtakarlığı aşkar edib. Əməkdaşımız vitrindən kişi üçün qiyməti 2.80 qəpik olan “Nicos” spreyi götürüb. Kassaya yaxınlaşdıqda isə satıcı onun 3.50 qəpiyə olduğunu bildirib. Əməkdaşımız məsələni araşdırdıqda isə satıcının dili dolaşıb və qiyməti vitrində dəyişməyi unutduqlarını bildirib. Elə baş verən saxtakarlıqla rastlaşan bir neçə müştəri də satıcıya irad tutublar və aidiyyatı qurumlara müraciət edəcəklərini bildiriblər.