Masallı sakini Tia.az-a şikayət məktubu göndərib. Elnur Ağayev məktubunda başına gələn müsibətdən bəhs edib. Onun sözlərinə görə, böyük bir fırıldağın qurbanı olub. Hüquq-mühafizə orqanlarının rəhbərlərinə müraciət edən vətəndaş dələduzun cəzalandırılmasını tələb edir.
Məktubu olduğu kimi təqdim edirik:

"Yazıb sizə bildirirəm ki, mən Ağayev Elnur Azər oğlu 22.07.1992-ci ildə Masallı şəhərində anadan olmuşam. 1998-ci ildə Masallı rayon E.Ağayev adına Hişkədərə kənd orta məktəbinin 1-ci sinfinə daxil olmuşam.
2009-cu ildə isə elə həmin məktəbin 11-ci sinfini yaxşı qiymətlərlə bitirmişəm. Həmin ilin yay aylarında ailəmizin sosial vəziyyəti yaxşı olmadığından işləmək üçün paytaxta üz tutdum.
2009-cu ildə mən Bakı şəhəri Nəsimi rayon M.Əcəmi metrosu yaxınlığında yerləşən "Moskva Univermağı” adlı qızıl alqı-satqı mərkəzində satıcı kimi fəaliyyət göstərməyə başladım.
İşlədiyim dövr ərzində təzə-təzə özümün necə bir insan olduğumu ətrafımda olan kollektivə bildirməyə çalışırdım ki, bir mərdiməzar cıxaraq rüsvay olmağıma və işdən çıxarılmağıma nail ola bildi.
Həmin şəxsə adam demək olarsa o 1977-ci il təvəllüdlü Masallı rayon sakini Məmmədov Zaur Qalabəy oğludur. Zaura hansı ad desən yaraşır. Çünki bu adam peşəkar yalançı, fırıldaqçı, dələduz və cilddən-cildə girməyi bacaran Azərbaycan vətəndaşıdır.
Zaur Məmmədov mən satıcı işlədiyim dövrdə mağazaya bahalı geyimdə gələrək özündə mənə qarşı inam yaradaraq, etibardan sui- istifafə edib 3700 $ məbləğində qızıl-zinyət əşyalarını götürərək geri qaytarmadı. Mən Ağayev Elnur Azər oğlu 2009-cu il adın çəkdiyim ticarət mərkəzində inamımı Zaura görə itirərək banklara möhtac oldum və həmin univermaqdan çıxmalı oldum.
2010-2012-ci illərdə cəbhə bölgəsində vətənə olan layiqli borcumu qaytararaq geri döndüm. Hadisədən 6(altı)il keçməsinə baxmayaraq Zaur mənə olan borcunu geri qaytarmaq istəmir. 2012-ci ildən mən bütün hüquq-mühafizə orqanlarımıza rəsmi və qeyri-rəsmi müraciət etmişəm.
MTN-ə, DİN-ə, ƏN-ə, BŞBPİ-ə, Nəsimi RPİ-ə, hadisə baş verdiyi ərazi 19-cu polis bölməsinə şikayət etmişəm. Mənim sonradan apardığım xırda araşdırmalar zamanı məlum oldu ki, bu adam bu işin peşəkarı olaraq arxasında hansısa güclü qüvvənin durması hesabına bu işi özü üçün hobbi seçib.
Valideyni ilə telefon danışığım da qarşı tərəfdən aldığım cavab isə bu olub: "Sən heç bilirsən Zaurun arxasında kimlər dayanir?” Anası Məmmədova Xavər Ağakərim qızının sonra ki, sözü isə bu oldu: "Oğluma bir şey olsa səndən əl çəkən deyiləm!”

Mən bu insanın nə ilk, nə də ki, son qurbanı deyilmişəm. Masallı rayonundan olan digər mənim kimi cavan Mirzağa adlı bir vətəndaşı qurban seçərək onu da 13.000 AZN dəyərində aldadaraq ziyan vurub. Vətəndaş Məmmədov Zaur Qalabəy oğlunu 2013-cü ildə Suraxanı RPİ-nin 33-cü PB-nin əməkdaşları digər bir əməlinə görə CM-nin 178, yəni dələduzluq maddəsi ilə paytaxt sakininin rəsmi şikayəti əsasında saxlamağa müvəffəq olsalar da, Zaur burdan da alnıaçıq heç nə olmamış kimi həmin qüvvənin hesabına sərbəst buraxılaraq yenə öz çirkin əməllərini davam etdirərək bu günkü günə qədər azadlıqdadır. Zaurun digər cinayətləri də istisna edilmirdi.
Həmin cinayəti KİV-də dərc olunub. Mənim sizə yazmaqda məqsədim budur ki, müraciətim media vasitəsi ilə aidiyyatı orqanlara çatdırılsın.Müraciət edirəm DİN naziri Ramil Usubova.
Baş prokuror Zakir Qaralova. Mənə bəlkə siz kömək edəsiniz. Artıq yorulmuşam. Son ümid yerim siz oldunuz. Diqqətiniz üçün təşəkkürlər”.