Mərhum reper Hüseyn Dəryanın qızı Ayşənin DNT (atalıq testi) analizinin nəticəsi bəlli olub.
Kult.az xəbər verir ki, Zaur Baxşəliyev nəticəni "Bizimləsən" verilişində oxuyub. Bildirilib ki, atalıq testi zamanı ümumilikdə 15 genə baxılır. Əgər 15 genin hamısı uyğunluq təşkil edərsə, atalıq təsdiqlənə bilər. Lakin Ayşənlə bağlı 15 gendən yalnız 12-də uyğunluq tapılıb. Bu nəticə isə Ayşənin Hüseyn Dəryanın qızı olduğunu tam təsdiqləməyə və ya inkar etməyə əsas vermir.
Tam nəticə üçün Hüseyn Dəryanın özündən qan nümunələri götürülməli idi. H.Dərya həyatda olmadığından, müayinə üçün lazım olan nümunə mərhum reperin bacısı Ofeliya Muradovadan götürülüb.
İndiki halda isə H.Dəryanın həyat yoldaşı Sona xanımdan və oğlu Cahangirdən nümunələr götürülməli, Cahangirin atasından aldığı genləri müəyyənləşdirməli və sonra Ayşənin DNT nəticələri ilə müqayisə aparılmalıdır.