“Bahh Tee" adı ilə məşhur olan azərbaycanlı reper Bəxtiyar Əliyevin Moskvada yaşadığı mənzilindən oğurluq edilib.

Kult.az xəbər verir ki, məlumata görə, evin açarını əldə edərək sərbəst şəkildə içəri daxil olan oğrular evdən ümumilikdə 4.2 milyon rubl götürüblər.

Faktla bağlı cinayət işi açılıb.

***

İfaçının evinin qarət edilməsi ilə bağlı yayılan xəbər həqiqəti əks etdirmir.

Bu barədə Rusiyanın “Komsomolskaya Pravda” qəzeti reperin konsert direktoru Vladimirə istinadən məlumat yayıb.

“Həmişəki kimi qarışdırıblar. Yazırlar ki, Bəxtiyar Veernoyda ev kirayələyib. Bu, belə deyil. Heç kim onun evindən milyonları oğurlamayıb”, - deyə Vladimir bildirib.

O qeyd edib ki, evi oğurlanan şəxs Bəxtiyarın dostudur və məşhur artistlərdən biridir:

“Onun adını açıqlaya bilməyəcəyəm”.