Əməkdar artist Nigar Şabanova "ATV" kanalında yayımlanan "7 Canlı" verilişində qonaq olub.

BiG.AZ xəbər verir ki, veriliş zamanı müğənni ailəsinin dağılması ilə bağlı açıqlamalar verib:

"Ailəmin məsləhəti ilə ailə qurmuşdum. Yoldaşım anamın dayısı nəvəsi idi. İndi heç bir əlaqəmiz yoxdur. Amma olur ki, qohumların toyunda istər-istəməz bir məclisdə oluruq. Ailəmin dağılmasına səbəb qohumlar oldu. Çünki el arasında "qız-qıza" deyirlər elə olmuşduq. Onlardan bir qız bizə gəlin gəlmişdi, bizdən də mən getmişdim. Elə oldu ki, onun bacısı bizə gəlin gəlmişdi amma alınmadı boşandılar. Onlar da acığa dedilər ki, biz də sizin qızı saxlamırıq. Artıq üstündən 15 il keçib. O vaxt düşüncələr tamam fərqli idi. Valideynlər gəncləri də dinləməlidirlər. Onların fikirləri nəzərə alınmalıdır. Gənclər nəzərə alınmayanda belə xoşagəlməz hallar yaşanır".