Məşhur teleaparıcı Nərgiz Cəlilova maraqlı və təccüblü açıqlama ilə çıxış edib.
Teleaparıcı koronavirusun bir oyun olduğunu iddia edib.
O, bunu Əməkdar artist Bəhram Bağırzadənin “Instagram” hesabında açdığı canlı yayımın qonağı olarkən dilə gətirib:
“Bu bəla bütün dünyanın başından rədd olub getsin! Yaşadığımız bu hadisələrlə bağlı ağlımda bəzi müəmmalar var. Bu, mənim iddiamdır ki, koronavirus bir oyundur.
Karantin bitəndən, həyat öz axarına düşəndən sonra bunun fəsadı nə olacaq, nəticəsi nə olacaq, biz hələ bilmirik. İstəyirəm ki, bütün bunlar bir yuxu kimi həyatımızdan keçsin. Yəqin ki, bunların nə üçün olduğunun tüstüsü çıxacaq”.
Məsələ ilə bağlı Cebhe.info-ya açıqlamasında Azərbaycanın baş infeksionisti Cəlal İsayevin Nərgiz Cəlilovaya cavabı gecikməyib:
“Bu boyda oyun oynanılarmı? Onda belə çıxır ki, dünyanın bütün ölkələri bu oyunun içindədir. Nərgiz xanım demir ki, oyundur? Ona məsləhətim oyuna getməsin”.