APA TV-nin 300 mindən çox abunəçisi olan “Youtube” kanalı bağlanıb.
Bununla bağlı “MediaPost”a açıqlama verən APA TV-nin baş redaktoru Cavid İsmayıl bildirib ki, kanalda müəllif hüquqlarına görə müvəqqəti problemlər yaranıb:
“Son illər “Youtube” müəllif hüquqları ilə bağlı qaydaları sərtləşdirib. APA TV 7 ildir fəaliyyət göstərir. Biz artıq lisenziyasız görüntülərdən istifadə etmirik. Amma əvvəlki illərdə qoyulan videolara “strike” atırlar. Şikayətlər daha çox ermənilər tərəfindən gəlir. Müharibə haqqında olan görüntülərə “strike” gəlir. APA TV-nin “Youtube” kanalının bağlandığını deyə bilmərik. Məsələ mütəxəssislərimiz tərəfindən araşdırılır. Gün ərzində dəqiq məlumat veriləcək”.