Rusiyanın tanınmış aktyoru Vladislav Manin Moskvanın “Afimall City” ticarət mərkəzinin qarşısında arvadının və oğlunun gözü qarşısında döyülüb.

Bu barədə “İzvestiya” kadrlar yayıb.

Kanalın yayımladığı videoda aktyorun əlində paketlərlə taksi gözlədiyi görünür. Bu zaman bir neçə nəfər ona yaxınlaşır, onlardan biri Manini yumruqlamağa başlayır, sonra isə onu yerə yıxır.

Digər videoda isə aktyorun maşına minmək istəyərkən yenidən vurulduğu görünür. Nəticədə o, yola yıxılıb.

Maninə kəllə-beyin travması və baş nahiyəsində əzilmiş-cırılmış yara diaqnozu qoyulub.oxu.az/