Amerikalı aktrisa Lindsi Lohan iyulun 2-də, 36-cı ad günündə sosial şəbəkədə maliyyəçi Bader Şammasla evli olduğunu bildirən paylaşım edib.

"Ölkə.az" xəbər verir ki, aktrisa dünyanın ən xoşbəxt qadını olduğunu yazıb və Şammasın onun əri olmasından heyrətləndiyini qeyd edib.
Bir neçə gün əvvəl o, nişanlandığını elan edib. Paylaşımda 35 yaşlı məşhur sevgilisi ilə ağ-qara və rəngli iki romantik foto yerləşdirib və bu fotoların altında “Sevgilim. Mənim həyatım. Mənim ailəm. Mənim gələcəyim." ifadələri qeyd olunub. Şəkildə onun iri brilyant qaşlı nişan üzüyü diqqət çəkib.

Əvvəllər media aktrisanın Səudiyyə Ərəbistanının vəliəhd şahzadəsi Məhəmməd bin Salman Əl Səudla münasibəti haqqında yazmışdı. Bundan əlavə, Lohan rus əsilli britaniyalı iş adamı Yeqor Tarabasovla da münasibətdə olub.