"Barbi" və "Oppenheymer" bütün zamanların kassa rekordlarını vurur.
Son illərdə cansıxıcı olan Hollivud son günlər mətbuatın və tamaşaçıların marağındadır. İctimai səs-küy məşhur "Barbi" moda kuklası haqqında komediya və atom bombasının ixtiraçısı "Oppenheymer" haqqında bioqrafik film ətrafında cərəyan edir. Kassalarda satışlar yüksəlib və dünya mətbuatı ilk səhifələrini "Barbenheymer" adlanan yeni fenomenə həsr edib. "Barbi" və "Oppenheymer" bu həftə sonu eyni vaxtda kinoteatrlarda nümayiş olunub.
Yüz minlərlə tamaşaçı kinoteatrlara axışıb və biletləri bir neçə gün öncədən alıblar. Bu, kino sənayesi üçün fəlakətli yayın fonunda və böyük büdcəli "Fleş" və "İndiana Cons və taleyin saatı" filmlərinin icarəsindən əldə edilən məyusedici nəticələr fonunda parlaq bir parıltı olub. "Barbenheymer" bütün dünyada 511 milyon dollardan çox gəlir əldə edib ki, bunun da 240 milyon dolları ölkə daxilindədir. Hollivud kinosunun tarixində heç vaxt bu qədər sürətlə və bu qədər pul toplayan iki film olmayıb. İyulun 23-ə olan məlumata görə, "Barbi" ölkə daxilində təxminən 160 milyon dollar, "Oppenheymer" isə ölkə daxilində 80,5 milyon dollar qazanıb.
"Warner Bros"u kinostudiyasında rejissoru Qreta Qerviq olan film konfet rəngli əyləncəli məşhur "Barbi" kuklasının hekayəsini əyləncəli şəkildə oyuncaq ustasının ideal dünyasından real insanlarla birləşdirir. Əfsanəvi kukla rolunu Marqo Robbi oynayıb, Ryan Qoslinq isə Kenrolunu ifa edib. Tənqidçilər yekdilliklə deyirlər ki, film 2023-cü ilin ən yaxşı filmi olmaq yolundadır.
Rejissoru Kristofer Nolanın olduğu "Universal Pictures" studiyasında ərsəyə gələn "Oppenheymer" nüvə silahının ilk inkişafının başında duran amerikalı fizik Robert Oppenheymerin həyatından bəhs edir. Rejissor deyib ki, bu, dövlətə xidmət edən bir dahi haqqında möhətəşəm filmdir. Baş qəhrəmanı aktyor Killian Merfi canlandırıb.
"Reuters" qeyd edib ki, iki film bir-birinin demək olar ki, tam əksidir: nüvə aliminin üç saatlıq dramına qarşı oyuncaqlar dünyası. Ola bilsin ki, qeyri-adi marağın artmasına səbəb olan bu vurğu olub. ABŞ-da bir gündə 200.000-dən çox insan hər iki filmə baxmaq üçün bilet alıb.
Kassada bu iki film arasındakı qarşıdurma tamaşaçıların kino sənayesinə marağını qaytarıb.
sputnik