Əməkdar artist Nigar Şabanova social şəbəkə hesabındakı paylaşımı ilə yenə diqqət çəkib.

Lent.az-ın xəbərinə görə, müğənni xanım onun estetik əməliyyatlarını qınayanlara çox sərt cavab verib.

"Ay xalalar, fikirləriniz önəmli deyil. Əvvəllər xalalar gəlinləri və nəvələri ilə maraqlanardı, indi isə onlar "Instagram"da nələr edir. Bir iki xala var əməliyyatım onlara yaman təsir edib.

Xalalar, sizin olan sizindir. Rahat olun hələ. Mən özüm şəxsən xala qabağına iylənmiş ət atmışam. Sakitləşin, gedin pəhriz saxlayın ki, həyat yoldaşınız iyrənməsin sizdən".

Qeyd edək ki, Nigar Şabanova dəfələrlə estetik əməliyyatlar etdirib və bu barədə məlumatları paylaşıb.