Dünyaca məşhur müğənni Harri Staylsın yeni döyməsi müzakirələrə səbəb olub.
Bakupost.az axşam.az-a istinadən xəbər verir ki, ifaçı qoluna "Olivia" yazdırıb. Qərb mediası bunun Harrinin özündən 10 yaş böyük eks-sevgilisi, aktrisa Olivia Vayldla əlaqəli olduğunu iddia edib. Bunu müğənninin 2015-ci ildə təqdim etdiyi eyniadlı mahnısının şərəfinə edə biləcəyi də şayiələr arasında yer alıb.
Qeyd edək ki, Harri Oliviadan ayrıldıqdan sonra adı bir neçə məşhurla hallansa da, iddialar öz təsdiqini tapmayıb. Aktyorun son olaraq həmkarı Teylor Rassell ilə münasibətdə olduğu bildirilib.