42 yaşlı Kim Kardaşyan idman edərkən çiynini sındırdığını etiraf edib. SİA xəbər verir ki, Kardaşyan tam olaraq necə xəsarət aldığını açıqlamayıb. O, oxşar zədələri olanlara bərpa olunmaqda kömək edən məşqçisi Melissa Alkantara ilə bir videosunu yayıb.

“Yaxşı, dostlar, siz bilmirsiniz, mən çiynimi sındırdım, əzələmi yırtdım. Beləliklə, bir neçə həftədir ki, idman zalına getmirəm. Bu gün bərpa və məşqimizə başlayırıq, çünki mən idman zalına qayıtmalıyam”, - Kardaşyan bildirib.

Kim Kardaşyan idmanla məşğul olmağın həyatının ayrılmaz hissəsi olduğunu dəfələrlə bildirib. Onun sözlərinə görə, həftənin altı günü gündə iki saat məşq edir.