İmperator ləqəbli müğənni İbrahim Tatlısəs 6-cı dəfə evlənmək niyyətindədir.

Publika.az Türkiyə mediasına istinadən xəbər verir ki, bu barədə 71 yaşlı sənətçi sosial mediada məlumat yayıb. Ulduz X hesabından yazdığı paylaşımında təklikdən bezdiyini dilə gətirib:

"Hər an sürpriz evlilik edə bilərəm, çox uzaqda deyil. Təklik yalnız Allaha məxsusdur, tək yaşamağı sevmirəm. Təbii ki, ətrafımda insan çoxdur, ancaq mən özümü dinləmək istəyirəm".

Qeyd edək ki, 5 dəfə evli olan İbrahim Tatlısəsin əvvəlki nikahlarından 5 qızı, 2 oğlu var.