Azərbaycan təmsilçisi Aysel Məmmədova "Eurovision"da ilk çıxışını edib
9-05-2018, 08:28
Portuqaliyanın paytaxtı Lissabonda “Eurovision-2018” mahnı müsabiqəsinin birinci yarımfinalı keçirilir.
APA-nın xəbərinə görə, Azərbaycanı təmsil edən Aysel Məmmədova səhnəyə birinci çıxaraq "X my heart" mahnısını ifa edib.
Birinci yarımfinalda 19 ölkə finala keçmək uğrunda yarışır. Finala daha çox səs toplamış 10 ölkə vəsiqə qazanacaq.
Qeyd edək ki, finala birbaşa vəsiqə qazanan ölkələr - müsabiqənin bu ilki ev sahibi Portuqaliya və Fransa, İtaliya, Almaniya, İspaniya və Böyük Britaniyadır.
Bu il müsabiqəyə 43 ölkə qatılıb. "Eurovision-2018"-in ikinci yarımfinalı mayın 10-da, final mərhələsi isə mayın 12-də baş tutacaq.
