Damlanın müğənni İradə Mehrinin bir neçə il öncə oxuduğu "Sevmişdim" adlı mahnısını icazəsiz ifa etməsi qalmaqala səbəb olub. İradə Mehri Damla haqqında sərt ifadələr işlədib. Həmçinin mahnını 3 min manata aldığını bildirib.
Bu qalmaqalla bağlı müğənni Damla ilə əlaqə saxladıq. Müğənni Damla Metbuat.az-a açıqlama verərək bildirdi ki, sözü gedən mahnı ona hədiyyə edilib.
“ O mahnı bəstəkar, oranjemançı İlkin Həsənindir. Ondan da izacə almışıq. Pulsuz-parasız mahnını oxumağa icazə verdi. Oxuduq. Biz də belə şeylərə önəm vermirik. Qoy nə qədər gücü var danışsın. Bizim o qədər işimiz var ki, belə şeylərə vaxt yoxdur. Çox güman ki, bu cür danışdığına görə nə vaxtsa, peşman olub üzr istəyəcək. Bu dəqiqə seriala başımız qarışıb. Onun piarını planlaşdırırıq.”