Türkiyədə şagirdlərin olduğu avtobus qəzaya uğradı: 10 yaralı
1-05-2019, 18:42
Türkiyənin Ərzurum şəhərindən şagirdləri gəzinti üçün Rizəyə aparan mikroavtobus yolda qəzaya düşüb.
Yeniavaz.com Türkiyə KİV-ə istinadən xəbər verir ki, Rizənin Ayder yaylağına təşkil edilən bir günlük gəzintiyə qatılan məktəblilər mikroavtobusun aşması nəticəsində qəzaya düşüb. Mikroavtobusun aşması nəticəsində biri ağır olmaqla 10 nəfər yaralanıb.Yaralıların vəziyyəti yaxşıdır.
Aparılan araşdırma nəticəsində məlum olub ki, sürücü əyləc tutmadığına görə, dərədən aşmamaq üçün mikroavtobusu ağaclara və qayalara doğru sürüb.
