İstanbulda yaşlı bir xanım AKP-nin bələdiyyə seçkilərində namizədi Binəli Yıldırıma yaxınlaşarq seçkilərin nəticələrinin ləğv edilməsinə etirazını bildirib.

Axar.az xəbər verir ki, yaşlı qadın Binəli Yıldırımı dəstəkləsə də, seçkilərin keçirilməsini tənqid edib:

“Seçkilər yenidən keçirilməsə olmazdımı? Sizə yaraşmadı. Sizi sevirik, amma bu son hadisələr yaxşı olmadı”.

Binəli Yıldırım isə yaşlı vətəndaşa cavabında İstanbulda seçkinin nəticələrinin ləğv edilməsinin onun yox, Ali Seçki Qurumunun qərarı olduğunu deyib.