Türkiyə Silahlı Qüvvələri zenit raket sistemlərinə möhtacdır. S-400 hava hücumundan müdafiə sistemləri Türkiyənin milli təhlükəsizliyini və müdafiəsini təmin etmək üçün çox vacib bir elementdir. SalamNews "Anadolu"ya istinadən xəbər verir ki, bunu Türkiyənin milli müdafiə naziri Hulusi Akar Qətər telekanalı "Əl-Cəzirə"yə müsahibəsində deyib.

Akar xatırladıb ki, Rusiya silahlarının alınması ilə bağlı qərar Amerika tərəfi Türkiyəyə "Patriot" komplekslərini verməkdən imtina etdikdən sonra qəbul edilib.

“Rusiya sistemləri "stand alone system" rejimində döyüş tapşırıqlarını yerinə yetirəcəklər. Əvvəldən bəyan edirik ki, S-400 müstəqil işləyəcək", o deyib.