Türkiyənin İstanbul şəhərində dəhşətli qətl hadisəsi baş verib.

Yenicag.az türk mediasına istinadən xəbər verir ki, hadisə İstanbulun Zeytunburnu bölgəsində beş mərtəbəli binanın 3-cü mərtəbəsində qeydə alınıb. Fazilet Özbek adlı qadın həyat yoldaşını yuxuda ikən baltalayıb. 11 illik həyat yoldaşını baş nahiyəsindən balta zərbəsi ilə öldürən qadın daha sonra aşağı mərtəbədə yaşayan qonşusunun evinə gedərək polis çağırmağını xahiş edib. Hadisə yerinə gələn polislər hadisə zamanı evdə olan iki uşağı aidiyyatı qurumlara göndəriblər.

Polisə ifadə verən qadın özünü bu sözlərlə müdafiə edib: “On bir ildir zülmünü çəkirdim”.

Qeyd edək ki, faktla bağlı araşdırma açılıb. Qadının nə vaxt məhkəmə qarşısına çıxarılacağı məlum deyil.