Türkiyədə 24 yaşlı gənc mübahisə etdiyi qohumunu balta ilə öldürdü.

Sonxeber.az Türkiyə mətbuatına istinadən xəbər verir ki, Kastamonu şəhərində 24 yaşlı Əmrah.Ç ilə qohumu Hakan.Ç arasında naməlum səbəbdən mübahisə düşüb.

Mübahisə zamanı əsəblərini cilovlaya bilməyən Əmrah.Ç əlinə keçirdiyi balta ilə Hakan.Ç-nın başından zərbə endirib. Başından aldığı zərbə nəticəsində Hakan.Ç qan içində yerə yıxılıb. Hadisə yerinə təcili tibbi yardım və polis çağrılıb.

Həkimlərin səyinə baxmayaraq, Hakan.Ç-nın həyatını xilas etmək mümkün olmayıb.

Qohumunu qətlə yetirən Əmrah.Ç polis tərəfindən saxlanılıb. Məhkəmə qarşısına çıxarılan gənc barəsində həbs qərarı verilib.