Rusiya Liberal-Demokrat Partiyasının sədri Vladimir Jirinovskiy Türkiyə ərazisini parçalamaq vasitələrindən bəhs edib.

SalamNews-un "Haberler"ə istinadla verdiyi xəbərə görə, Türkiyənin baş naziri Əhməd Davudoğlunun “Krımı tanımayacağıq” açıqlamasını şərh edən V.Jirinovskiy onu məlumatsızlıqda ittiham edib.

O deyib: "Türkiyənin baş naziri Ukraynada olarkən Krımı tanımayacaqlarını söyləyib.

Davudoğlu məlumatsız insandır. Biz Krımı Türkiyənin parçalandığı vaxt Kiçik Qaynarca anlaşmasına uyğun olaraq almışıq. Ukraynanın bununla heç bir əlaqəsi yoxdur. Türkiyənin məlumatsızlığı onu həmişə yarı yolda qoyur.

Cavab olaraq biz də Türkiyədəki Kürdüstanı müstəqil ölkə olaraq tanımalıyıq. Qərbi Ermənistanın torpaqlarını tələb etməliyik.

Bolqarıstan və Yunanıstan da öz tələblərini söyləyə bilər. Beləcə, türklərə torpaq qalmaz."