Türkiyə prezidenti Rəcəb Tayyib Ərdoğan fevralın 18-də Azərbaycana -Bakıya nəzərdə tutulan səfəri təxirə salındı.
Bu barədə TURKUSTAN.info-ya Türkiyədə yaşayan tanınmış telejurnalist Sevil Nuriyeva bildirib. O bildirib ki, Azərbaycan prezidenti İlham Əliyev Türkiyə prezidentinə telefon açaraq başsağlığı verib.
Sevil Nuriyeva bildirib ki, səfərin qəfil təxirə salınmasına səbəb Ankarada baş vermiş terror aksiyasıdır. Qeyd edək ki, fevralın 17-də paytaxt Ankaradab baş vermiş terror aktı nəticəsində 18 nəfər ölüb, xeyli insan yaralanıb.
Bu səbəbdən Türkiyənin baş naziri Əhməd Davudoğlu da Brüsselə planlaşdırılan səfərini təxirə salıb.