Türklər və kürdlər qardaşdır. Arada fitnə-fəsad yaratmaq istəyənlər keçmişdə də uğurlu olmadılar, bu gün də, sabah da uğurlu ola bilməyəcəklər.

Axar.az xəbər verir ki, bu sözləri Türkiyə milli müdafiə naziri Hulusi Akar deyib.

"PKK/YPG heç vaxt kürd qardaşlarımızı təmsil edə bilməz. Necə İŞİD müsəlmanları təmsil etmirsə, terror təşkilatı PKK/YPG də kürdlərin nümayəndəsi ola bilməz. Türk və kürd qardaşdır. Yüz illərdir ki, çörəyimizi, suyumuzu bölüşürük. Şanlı bayrağımız və sancağımız üçün canlarını fəda edən qəhrəmanlarımız məzarlıqda yan-yana uyuyur. Başda Çanaqqala Şəhidliyi olmaqla, bütün şəhid məzarlarına baxdıqda, bu, açıq-aydın görünür”, - deyə nazir bildirib.