İfalarının Yutubda baxış sayı yüz miyonları aşan məşhur Türkiyəli müğənni Aleyna Tilki həbs olunub.

Redaktor.az xəbər verir ki, buna səbəb ifaçının ötən il İstanbul hava limanında yaratdığı mübahisə olub. Qadın mühafizəçiyə "Səni tapıb məhv edəcəm. Axmaqsan? Sənə görə təyyarəni qaçırıram”, deyən Aleyna hakim qarşısına çıxıb. Məhkəmə qərarına əsasən, müğənni 5 ay müddətinə həbs olunub. Eyni zamanda onun 7 min 80 lirə təzminat ödəməli olacağı bildirilib.

Xatırladaq ki, hadisə ötən ilin yanvarında baş verib. Aleyna havalimanı işçilərini təhqir etdiyinə görə, Neslihan Ö. adlı mühafizəçi ondan şikayətçi olub. Nəticədə Aleyna vəzifəsini yerini yetirən dövlət məmurunu təhqir etmək və hədələmək maddələri ilə ittiham olunub. İfaçının 4 il müddətinə qədər həbs edilməsi istənilib.