Qırğızıstan DİN Daxili Qoşunlarının komandanı İslambek Kenjekulov Bişkek qarnizonunun qauptvaxtına salınıb.

Bu barədə dekabrın 24-də 24.kq İA xəbər verir.

Portalın məlumatına görə, İslambek Kenjekulov yanvarın 11-nə qədər (2022) nəzarət altında olacaq. Belə qərarı Bişkek Pervomaysk rayon məhkəməsi qəbul edib.

Bundan əvvəl Hərbi prokurorluq DİN Daxili Qoşunlarının vəzifəli şəxsləri tərəfindən pul oğurlanması faktı üzrə cinayət işi qaldırıb. Pullar ərzaq malları və şəxsi heyətə əşyalar almaq üçün nəzərdə tutulubmuş və qeyri-qanuni yollarla saxta firmalara köçürülüb və ardınca mənimsənilib. Zərərin miqdarı 33 milyon 946 min 866 som (30 milyon rubla yaxın) təşkil edir. İş üzrə 3 fiqurant qaçıb.

Hazırda Daxili Qoşunların maliyyə idarəsinin rəisi də saxlanıb.

AzPolitika.info