Türkiyənin Ərzurum vilayətinin Uzundərə rayonunda yerləşən və bu şəhəri Artvinlə birləşdirən avtomobil yolunun Pirinkayalar keçidində 2272 metr uzunluğunda tunelin açılışı olub.

Mərasimə videoəlaqə vasitəsilə ölkə prezidenti Rəcəb Tayyib Ərdoğan da qatılıb. Tədbirdə iştirak edən Nəqliyyat və İnfrastruktur Naziri Adil Karaismailoğlu çıxışında adıçəkilən yolun Gürcüstan vasitəsilə Cənubi Qafqazadək uzandığını bildirib.

O, qeyd edib ki, Pirinkayalar tunelinin ümumi uzunluğu 3342 metrdir. Bunlardan 2272 metr tunel, 1070 metr isə birləşdirici yolun uzunluğudur.

Nazirin sözlərinə görə, yeni tunel mövcud xətt üzrə daşıma məsafəsini xeyli qısaldır və tranzit müddətini 20 dəqiqədən 5 dəqiqəyə endirir.


Mənbə: “Anadolu”