Millətçi Hərəkat Partiyasının (MHP) lideri Dövlət Baxçalı Türkiyə Daxili İşlər Nazirliyinin İstanbul Şəhər Bələdiyyəsi ilə əlaqədar başlatdığı xüsusi yoxlamaya münasibət bildirib.

Teref.az teleqraf.com-a istinadən xəbər verir ki, MHP lideri xüsusi yoxlama çərçivəsində İstanbulun bələdiyyə sədri Əkrəm İmamoğlunun vəzifəsindən uzaqlaşdırılması ehtimalına da toxunub.

“Türkiyə hüquqi dövlətdir, qanunun aliliyi hər kəs üçün məcburidir. Heç kim qanundan azad deyil. İstanbul bələdiyyəsi ilə bağlı iddialar vahiməlidir. Daxili işlər nazirimiz qətiyyətlə danışır. Dağlardakı terrorun kökünü kəsmək iradəsi olanların dövlət qurumları və bələdiyyələrə sızan terrorla əlaqəsi olanlara səssiz qalacaqlarını düşünmək mümkün deyil. İstanbul bələdiyyəsində terror təşkilatlarına bağlı olanların nə işi var? Bu xəyanət heç bir qəlibə sığmayacaq qədər ciddidir”, - Baxçalı bildirib.