2022-ci ildə Çin və ABŞ arasında rəqabət güclənəcək və eyni zamanda Rusiya və Çinlə qarşı-qarşıya gələn ABŞ üçün bu, asan olmayacaq.

Axar.az xəbər verir ki, bu açıqlama ilə türkiyəli siyasi ekspert Hüseyn Bağçı çıxış edib.

"Türkiyə-Rusiya münasibətləri həm ikitərəfli, həm də regional baxımdan çox önəmlidir. Ukrayna ilə Türkiyə arasında münasibətlərin yüksək olmasını Rusiya mənfi qəbul edir. Amma indiki mərhələdə Qara dəniz regionunda hərbi münaqişənin olacağını düşünmürəm", - ekspert vurğulayıb.

Bağçının sözlərinə görə, Putin-Bayden görüşlərinin nəzərdə tutulmasına baxmayaraq, Rusiya ilə ABŞ arasında gərginliyin davam etdiyi görünür:

"Amma şübhəsiz ki, Rusiya və Çinlə eyni anda üz-üzə gələn Amerika üçün asan olmayacaq", - ekspert vurğulayıb.