Rusiya bazarını tərk edən ispan geyim markası “Zara”nın yerini Türkiyənin “LC Waikiki” brendi tutacaq.

Axar.az xəbər verir ki, bu barədə rus mediasında məlumat yayılıb.

“LC Waikiki” Voronejdə “City-Park Grad”da flaqman mağaza açır. Şirkət binanı uzunmüddətli müqavilə əsasında icarəyə götürüb. Mağaza bu bölgədəki pərakəndə satış məntəqələri arasında sahəsinə görə ən böyüyü olacaq - 1,6 min kvadratmetrdən çox", - məlumatda bildirilib.

Qeyd edək ki, “LC Waikiki” Fransada yaradılıb və 1997-ci ildən türk markasıdır. Pərakəndə satış şirkətinin 57 ölkədə 1,2 mindən çox mağazası var.