Rusiya və Türkiyə uzunmüddətli qaz tədarükü müqavilələri bağlayıb. Bu müqavilələrdə qiymətlər və həcmlər nəzərə alınıb.

Bu barədə ölkənin enerji və təbii sərvətlər naziri Fatih Dönməz TVnet -ə müsahibəsində bildirib.

O qeyd edib ki, Rusiya Türkiyə üçün əsas tranzit ölkələrdən biridir və ölkəyə qazın təqribən 44 faizini verir. Nazir Ankaranın Rusiyadan enerji aldığı qiymətləri açıqlamayıb və bildirib ki, onlar “dünya qiymətləri və həcmləri nəzərə alırlar”.

Dönməz Türkiyənin Rusiyaya qarşı sanksiya siyasətinə qoşulmadığını və bunun sayəsində “bu gün qaz tədarükü üçün alternativ mənbələr axtarmadığını” da vurğulayıb.

Bloomberg dekabr ayında Türkiyənin Rusiyadan qaza 25% endirim əldə etməyi planlaşdırdığını bildirib. Agentliyin mənbələrinə görə, Ankara endirimin təkcə gələn il üçün ödənişlərə deyil, retrospektiv olaraq cari ilin hesablamalarının bir hissəsinə də şamil edilməsini istəyir.