Astana Qazaxıstandakı Gülən məktəblərini bağlamayacaq.

Axar.az xəbər verir ki, bu barədə informasiyanı Qazaxıstan Təhsil Nazirliyi yayıb. Nazirlik Qazaxıstandakı 27 Gülən məktəbinin fəaliyyətini davam etdirəcəyini açıqlayıb:

“Tələbələr və ailələr bu məktəblərin bağlanacağından qorxmasınlar. Məktəblər Qazaxıstan Prezidenti Nursultan Nazarbayevlə o zamankı Türkiyə Prezidenti Turqut Özal arasında imzalanan razılaşma ilə tikilib”.

Qeyd edək ki, bundan öncə Türkiyənin Qazaxıstandakı səfiri Nevzat Uyanık Astananı Gülən məktəblərini bağlamağa səsləyib. Türk səfir bu məktəblərin artıq Türkiyəyə aid olmadığını bildirib.

Bundan öncə Qırğızıstan da Gülən məktəblərinin bağlanmasından imtina edib.