Türkiyənin Uludağ Universitetində Salih Pay adlı ilahiyyat professorunun universitetdə dalğalanan Azərbaycan bayrağını endirməsinə türkiyəli diplomat Hulusi Kılıç kəskin reaksiya verib.

Axar.az xəbər verir ki, Türkiyənin Bakıdakı keçmiş səfiri, hazırda Moldovada səfir olan Hulusi Kılıç bu barədə yazdığı şərhində Azərbaycan bayrağını endirən xain əlin cəzalanmalı olduğunu bildirib.

“Azərbaycan bayrağı türk bayrağıdır. O bayrağa uzanan əllər qırılsın. O xain əl kiminsə, mütləq cəzalandırılmalıdır. Millətini tanımayanın Türk Dünyasında yaşamağa haqqı yoxdur”, - Kılıç qeyd edib.