Kimin xanımının şəkilləri iki Koreya dövlətinin münasibətlərini daha da korlayıb - FOTO

2-07-2020, 00:34           
Kimin xanımının şəkilləri iki Koreya dövlətinin münasibətlərini daha da korlayıb - FOTO
Şimali Koreyanın lideri Kim Çen In Cənubi Koreyanın onun həyat yoldaşının təxribatçı təsviri olan təbliğat vərəqlərini yaydığını görərək qəzəblənib. Bu barədə Daily Mail Rusiyanın KXDR-dəki səfiri Aleksandr Matseqora istinadən xəbər yayıb.

Onun sözlərinə görə, əks-təbliğat məhsulları Cənubi Koreyadan hava şarlarında göndərilir. Şəkillərdə KXDR liderinin həyat yoldaşı Li Sol Çju nalayiq şəkildə təqdim olunur.
Matseqorun qeyd etdiyinə görə, vərəqələrdə Kimin həyat yoldaşına yönəlmiş "natəmiz, təhqiramiz təbliğat" çap edilib. Daily Mail yazır ki, iyunun 16-da KXDR hakimiyyətinin Kesondakı koreyalararası əlaqə ofisinin iflasa uğramasına məhz bu şəkillər səbəb olub.

Xəbər verildiyi kimi, Kim Çen In Cənubi Koreyaya qarşı hərbi əməliyyatların həyata keçirilməsi planını təxirə salmaq qərarına gəlib. Şimali Koreya lideri Koreya Əmək Partiyasının Mərkəzi Hərbi Komissiyasının videokonfrans formatında keçirilən 5-ci sessiyasında planın həyata keçirilməsini təxirə salıb. Görüş zamanı qarşıdakı sessiya çərçivəsində müzakirəyə çıxarılacaq əsas hərbi siyasət layihələri nəzərdən keçirilib.

KXDR cənub qonşunu öz ərazisinə vərəqələr atmaqda ittiham etdikdən sonra ölkələr arasında münasibətlər növbəti böhran keçirməyə başlayıb.

İyunun 16-da Şimali Koreya hakimiyyəti sərhədin yaxınlığındakı Keson şəhərində yerləşən koreyalararası əlaqə ofisini partladıb. Məlumdur ki, şimalda bu aksiyanı əvvəlcədən planlaşdırıblar və açıq şəkildə bəyan ediblər. KXDR liderinin bacısı Kim Yo Çjon baş verənlərdən bir neçə gün əvvəl koreyalararası qovşağı yararsız adlandırıb. İyunun 19-da Cənubi Koreyanın birlik naziri istefa verib. Bundan bir gün əvvəl məlum olub ki, Şimali Koreya qoşunları demilitarizasiya olunmuş sərhəd zonasına daxil olub.

Qeyd edək ki, sözügedən vərəqələri hava şarları ilə göndərən "Azad Şimali Koreya Savaşçıları" adlı qrupdur.


шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.