Avropa İttifaqı Məhkəməsi Avropa Komissiyasının Apple-ın İrlandiyadakı fəaliyyətinə görə, 13 milyard avro məbləğinin şirkətdən alınması barədə qərarını səhv hesab edib.

TED.az xəbər verir ki, Apple şirkəti məhkəməni qazanıb.

Avropa İttifaqı Məhkəməsinin mətbuat xidməti dörd il əvvəl Avropa Komissiyası tərəfindən Apple-ın İrlandiyadakı fəaliyyətinə görə, tətbiq olunan 13 milyard avro məbləğində cərimə qərarını ləğv etdiyini elan edib.

Bu gün Məhkəmənin qəbul edilmiş rəsmi qərarında qeyd edildiyi kimi, Avropa Komissiyası Aİ-nin fəaliyyətinə dair müqaviləyə uyğun olaraq "vergi üstünlüklərinin mövcudluğunu zəruri hüquqi standartlara uyğun sübut edə bilməyib".