Azərbaycanın işğal altındakı əraziləri səyahət üçün riskli bölgələr siyahısına daxil edilib - SİYAHI

22-11-2019, 17:53           
Azərbaycanın işğal altındakı əraziləri səyahət üçün riskli bölgələr siyahısına daxil edilib - SİYAHI
“International SOS” səhiyyə və təhlükəsiz səyahət xidməti illik səyahət riskləri xəritəsini yayımlayıb.

APA-nın təşkilatın saytına istinadən verdiyi xəbərə görə, xəritədə Azərbaycan Qərbi Avropa ölkələri ilə birlikdə səyahət üçün az riskli ölkələr sırasında açıq sarı rəngdə təqdim edilib.

Təşkilatın məlumatında bildirilib ki, Azərbaycanın da aid edildiyi kateqoriyada olan ölkələrdə tibbi xidmətlərə çıxış asandır, qida məhsulları və su ilə yayılan xəstəliklərin riski aşağıdır.

Təşkilat Ermənistanın işğalı altındakı Dağlıq Qarabağ və ətraf əraziləri səyahət üçün riskli bölgələr siyahısına daxil edib.

Xəritədə səyahət üçün ən təhlükəsiz ölkələr Danimarka, Finlandiya, İslandiya, Norveç, Sloveniya və Lüksemburq, ən təhlükəli ölkələr isə Əfqanıstan, Mərkəzi Afrika Respublikası, Somali və Suriyadır.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.