Belarusa 85 min ton Azərbaycan nefti daşıyan tanker 4-5 avqustda Odessaya çatacaq
3-08-2020, 12:47
Azərbaycan Dövlət Neft Şirkətinin (ARDNŞ) Belarus üçün 85 min ton neftini daşıyan tankerin avqustun 4-5-də Odessa limanına çatacağı gözlənilir.
“APA-Economics”in TASS-a istinadən verdiyi xəbərə görə, bu barədə "Belneftexim" konserninin mətbuat katibi Aleksandr Tişenko məlumat verib.
"85 min ton Azərbaycan neftini daşıyan tanker avqustun 2-də Supsadan yola çıxıb. Tankerin avqustun 4-5-də Cənub limanına (Odessa) çatması gözlənilir"
Qeyd edək ki, mart ayından etibarən "SOCAR Trading" (SOCAR-ın törəmə şirkəti) Odessa limanı və “Odessa-Brodı” boru kəməri ilə Mozır Neft Emalı Zavoduna bir neçə partiya neft tədarük edib. Bundan əvvəl "Belneftexim" konserninin rəhbəri Andrey Rıbakov ARDNŞ-nin bu il Belarusa 1 mln. tonadək neft tədarük edə biləcəyini bildirmişdi.
