Bu da oldu: böyükhesablı qələbə qazanan baş məşqçini qovdular
11-12-2019, 11:01
“Napoli” (İtaliya) baş məşqçisi Karlo Ançelottini istefaya göndərib.
"Yeni Sabah" xəbər verir ki, Neapol təmsilçisi 60 yaşlı mütəxəssislə Çempionlar Liqasının qrup mərhələsinin 6-cı turunda doğma meydanda “Genk”i (Belçika) 4:0 hesabı ilə məğlub etdiyi matçdan sonra yollarını ayırıb.
“Napoli” yer aldığı E qrupunda 12 xalla 2-ci yeri tutaraq pley-off mərhələsinə vəsiqə qazanıb. Lakin komanda çempionatda 15 oyuna 21 xal toplayıb və 7-ci sırada qərarlaşıb. Bu, italiyalı çalışdırıcının göndərilməsini sürətləndirib.
Qeyd edək ki, Ançelotti 2018-ci ilin mayında “Napoli” ilə 3 illik müqavilə bağlamışdı.
