Çempionlar Liqası: Qrup mərhələsinə ilk 3 vəsiqənin sahibi bəlli olur

29-09-2020, 09:04           
Çempionlar Liqası:
Bu gün UEFA Çempionlar Liqasında pley-off mərhələsinin cavab görüşlərinə start veriləcək.

"Report"un məlumatına görə, ilk oyun günündə 3 matç keçiriləcək. "Qarabağ"ı III təsnifat mərhələsində mübarizədən kənarlaşdırmış Norveç "Molde"si Macarıstanda "Ferentsvaroş"un qonağı olacaq. İlk matçda Budapeşt komandası səfərdə 3:3 hesablı heç-heçə etdiyindən, ev qarşılaşmasında üstünlüyə malikdir.

Ukrayna "Dinamo"su Belçikada 2:1 hesabı ilə yendiyi Belçika "Gent"ini qəbul edəcək. Kiyevlilər də bu görüşdə üstün tərəfdirlər.

Kipr "Omoniya"sının isə "Olimpiakos"dan Yunanıstandakı 0:2 hesablı məğlubiyyətin əvəzini evdə çıxa biləcəyi inandırıcı görünmür.

Qalib komandalar Çempionlar Liqasının, məğlublar isə Avropa Liqasının qrup mərhələsinə vəsiqə qazanacaqlar.

29 sentyabr
Çempionlar Liqası, pley-off mərhələsi
Cavab görüşləri

23:00. "Dinamo" (Kiyev, Ukrayna) - "Gent" (Belçika)
İlk oyun - 2:1

23:00. "Omoniya" (Kipr) - "Olimpiakos" (Yunanıstan)
İlk oyun - 0:2

23:00. "Ferentsvaroş" (Macarıstan) - "Molde" (Norveç)
İlk oyun - 3:3

Qeyd edək ki, qalan 3 cavab görüşü sentyabrın 30-da keçiriləcək.шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.