2018-ci il dünya çempionatının növbəti seçmə oyunlarına start veriləcək

9-06-2017, 08:39           
2018-ci il dünya çempionatının növbəti seçmə oyunlarına start veriləcək
Bu gün futbol üzrə 2018-ci il dünya çempionatının seçmə mərhələsi çərçivəsində Avropa zonası üzrə VI tura start veriləcək.
“Report”un məlumatına görə, ilk oyun günündə 3 qrupda 9 görüş baş tutacaq.
A qrupunda ilk 2 yerin sahibləri Fransa və İsveç yığmaları üz-üzə gələcəklər. Fransa qalib gəlsə, qrup lideri kimi Rusiyada keçiriləcək final mərhələsinə vəsiqəni böyük ölçüdə təmin edəcək.
Cari seçmə tsikldə Dik Advokatın rəhbərliyi altında ilk rəsmi oyununa çıxacaq Hollandiya millisi autsayder Lüksemburqu qəbul edəcəksə, qrupun daha bir zəif komandası Belarus Bolqarıstanı sınağa çəkəcək.
B qrupunun iddialı komandaları səfərdə zəiflərə qarşı oynayacaqlar. İtkisiz irəliləyən İsveçrə Farer adalarının, son Avropa çempionu Portuqaliya Latviyanın, Macarıstan isə Andorranın qonağı olacaq.
H qrupunda yer alan Bosniya və Herseqovina ilə Yunanıstanın dueli də maraqla gözlənilir. Bu görüşdə heç-heçə qeydə alınsa, lider Belçika səfərdə Estoniyaya qalib gələrək, ən yaxın izləyicisi ilə xal fərqini 4-ə çatdıra bilər. Xalı olmayan Cəbəllütariq isə Kipri qəbul edəcək.
Qeyd edək ki, C qrupunda yer alan Azərbaycan yığması iyunun 10-da Şimali İrlandiya millisini qəbul edəcək. Tofiq Bəhramov adına Respublika stadionunda keçiriləcək oyun saat 20:00-da başlayacaq.
2018-ci il dünya çempionatının seçmə mərhələsi
Avropa zonası
9 iyun
VI tur
A qrupu
22:45. Belarus – Bolqarıstan
22:45. Hollandiya – Lüksemburq
22:45. İsveç - Fransa
N Komandalar O Q H M T/F X
1 Fransa 5 4 1 0 10-3 13
2 İsveç 5 3 1 1 10-3 10
3 Bolqarıstan 5 3 0 2 8-10 9
4 Hollandiya 5 2 1 2 8-6 7
5 Belarus 5 0 2 3 2-10 2
6 Lüksemburq 5 0 1 4 6-12 1
B qrupu
22:45. Andorra – Macarıstan
22:45. Latviya – Portuqaliya
22:45. Farer adaları – İsveçrə
N Komandalar O Q H M T/F X
1 İsveçrə 5 5 0 0 10-3 15
2 Portuqaliya 5 4 0 1 19-3 12
3 Macarıstan 5 2 1 2 8-6 7
4 Farer adaları 5 1 2 2 2-8 5
5 Latviya 5 1 0 4 2-9 3
6 Andorra 5 0 1 4 1-13 1
H qrupu
22:45. Bosniya və Herseqovina – Yunanıstan
22:45. Estoniya – Belçika
22:45. Cəbəllütariq - Kipr
N Komandalar O Q H M T/F X
1 Belçika 5 4 1 0 22-2 13
2 Yunanıstan 5 3 2 0 10-3 11
3 Bosniya və Herseqovina 5 3 1 1 13-5 10
4 Kipr 5 1 1 3 3-8 4
5 Estoniya 5 1 1 3 5-15 4
6 Cəbəllütariq 5 0 0 5 2-22 0












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.