“MƏNİ KORONAVİRUSA YOLUXDURDULAR” - Lukaşenko Putin haqda sirləri açdı... + VİDEO

7-08-2020, 08:21           
“MƏNİ KORONAVİRUSA YOLUXDURDULAR” -
Belarusda avqustun 9-da keçiriləcək prezident seçkilərinə sayılı günlər qalıb. Bu ərəfədə Rusiya ilə Belarus arasında münasibətlər gərginləşib.

Belarus prezidenti Aleksandr Lukaşenko ukraynalı jurnalist Dmitri Qordona verdiyi müsahibədə Rusiya prezidenti Vladimir Putin haqda sensasion açıqlamalar verib.

O, deyib ki, Rusiyanın ilk prezidenti Boris Yeltsin bir müddət sonra Vladimir Putini özünün varisi seçdiyinə görə peşman olub.

Lukaşenkonun sözlərinə görə, Putin Kremlə yerləşən kimi Rusiyanın ilk prezidenti ilə aralarında fikir ayrılığına səbəb olan bəzi qərarlar qəbul etməyə başlayıb. "Putinin bəzi qərarları Yeltsini qəzəbləndirirdi", deyə Aleksandr Lukaşenko bildirib.

Lukaşenko əlavə edib ki, Yeltsin prezident vəzifəsindən istefa verdikdən sonra onunla tez-tez görüşüb və Putindən narazılıqlarına görə onu sakitləşdirməyə çalışıb. “Amma "Yeltsin peşman idi...”, deyə Belarus prezidenti bildirib.


Lukaşenko deyib ki, Putinlə fikir ayrılığının Yeltsinin hakimiyyətə olan sevgisi səbəbindən baş verdiyinə inanmır. Çünki Yeltsin düşünürdü ki, Putin "məsləhət üçün ona tərəf qaçacaq", amma bu, baş verməyib.

Lukaşenko xatırladıb ki, Putinin Kuba və Vyetnamdakı Rusiya hərbi bazalarını saxlamaqdan imtina etməsi qərarı Yeltsini hədsiz məyus edib. Belarus prezidenti onu da deyib ki, o, Yeltsini bu cür qəzəbli vaxtlarında “bir stəkan şərab içməklə” sakitləşdirməyə çalışıb.

Lukaşenko “Putin heç kimə inanmır” deyərək, Rusiya prezidenti haqda düşündüklərini, onun xarakteri haqda müşahidələrini dilə gətirib. Jurnalist Belarus prezidentinə Rusiya ilə ticarət, neft müharibələrinin olduğunu, daima Minskə təzyiq etdiyini və bunun 2036-cı ilə qədər davam edə biləcəyini deyib.

Lukaşenko deyib ki, Putinin 2036-cı ilə qədər prezident olacağı jurnalistlərin fərziyyəsidir ki, bu da reallaşmayacaq. Belarus lideri etiraf edib ki, Putinlə mübarizədən yorulmaq olmur, amma Almaniya kansleri Angela Merkel ilə "yorula bilər".

Eyni zamanda, Belarus lideri Merkeli "dişi canavar" kimi xarakterizə edib: “Onsuz Avropa "gücünü itirərdi".

Qeyd edək ki, Rusiyada az qala düşmən elan edilən ukraynalı jurnalist Qordonun Lukaşenko ilə müsahibəsinin yalnız bəzi hissələri yayılıb və bu, Rusiya telekanallarında artıq ciddi müzakirəyə çevrilib.

Müsahibənin hələ yayılmayan hissəsində Belarus prezidenti deyib ki, koronavirus xəstəliyinə tutulması təsadüfi olmayıb. Onun fikrincə, bu xəstəlik ona "əkilib", yəni yoluxması təbii yolla olmayıb. "Koronavirusu mənə soxuşdurublar. İndi bunu araşdırırıq", deyə o bildirib. Belarus rəhbəri onu da əlavə edib ki, xəstəliyi yüngül formada və ayaq üstə keçirib.

Belarus prezidenti Aleksandr Lukaşenko Rusiya prezidenti Vladimir Putini böyük qardaşı adlandırıb.

“Mən Vladimir Vladimiroviçi böyük qardaşım sayıram, səmimi olaraq qardaşım hesab edirəm. Ancaq o mənada yox ki, sən böyüksən, amma biz burada uşaq deyilik. Xeyr. Yaş və siyasi cəhətdən həqiqətən də böyük qardaşsınız. Böyük qardaş kömək etməlidir, dəstək verməlidir, təklif etməlidir. Ayağına dolaşmaq deyil, dəstəkləməlidir”, - Lukaşenko belə deyib.

Belarus prezidenti rusiyalı həmkarı ilə münasibətlərində müəyyən gərginliyin olduğunu da etiraf edib: “Bəli, müəyyən gərginliyimiz var, çünki hər ikimiz güclü şəxsiyyətik, qeyri-ciddiliyimə görə üzr istəyirəm”.

Qordon “Azadlıq radiosu”na müsahibə zamanı Lukaşenkonu tamamilə sağlam görüb və bildirib ki, prezidentin çox güclü əl sıxışması var.

Lukaşenko “məni güllələyə bilərlər. Ancaq mən heç yerə qaçmayacağam" söyləyib.
шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.