ABŞ prezidenti Donald Tramp ilə Respublikaçılar Partiyasının ən böyük investoru Şeldon Adelson arasında mübahisə düşüb.

“Report”un məlumatına görə, bu barədə “Politico” xəbər verir.

Nəşrin mənbəyinə görə, Adelson prezidentə zəng edərək administrasiyanın pandemiya dövründə iqtisadiyyatı stimullaşdırmaq tədbirlərini müzakirə etmək istəyib, amma Amerika lideri Adelsondan onun seçki kampaniyası üçün niyə daha çox iş görmədiyini soruşaraq mövzunu dəyişdirib.

Nəticədə tərəflər arasında mübahisə yaranıb.

Bu məsələ respublikaçıların narahatlığına səbəb olub, çünki Tramp əsas sponsorlarından birini özünə qarşı çevirə bilər.

Ancaq Adelsonun bu barədə fikirləri naməlum olaraq qalır.