“Bircə Ağalı kəndinin sakinlərini köçürüblər. İnternetdə də baxırıq, danışırlar, acından ölürük, susuzluqdan qırılırıq. Ağalı kəndinə gedənlərin çoxu gəlib oturub burda. Evlərini heç kimə vermirlər”.
Bunu “Azadlıq Radiosu”nun Azərbaycan xidmətinə danışan Zəngilan rayonundan məcburi köçkün olan Xanım Əsgərova deyib.
“Məni işlə təmin etmirsə, mənim yaxşı şəraitim olmayandan sonra… Şəxsən, bir ailə tanıyıram. Onlar gedib Ağalıda qalmırlar. Deyir, mənə 300-400 manat maaş verir, mən onunla necə dolanım? And içirlər ki, yayda pomidorun kilosu 6 manat olub. 33 manat çörək pulu verirlər. Oğlum da həbsdədir, mən o pulla necə yaşayım?”, – X.Əsgərova bildirib.