1977-ci ildə NASA səmaya 16 gün arayla iki ədəd kosmik zond göndərir: Voyager 1 və 2 zondları. Bu zondlarda qızıl səsyazma – “Qolden rekord” adlandırılan val olur.

Kult.az xəbər verir ki, bu barədə Xanlar Molanov adlı yutuber öz kanalında video paylaşıb.

Videoda bildirilib ki, azərbaycanlı musiqiçi Kamil Cəlilovun ifası NASA-nın kosmosa göndərdiyi 26 musiqi arasında olub:

“Toplamda 26 ədəd dəyərli klassik və etnik musiqilər də bu valda yer alır. İnsanlığın kosmosa göndərdiyi bu valda 90 dəqiqəlik yer var və Yeri təmsil etməyə layiq bilinən 26 musiqidən biri də Azərbaycan musiqisi olsaydı, çox qürurverici olardı, deyilmi?

NASA-nın saytında qeyd olunmuş, kosmosa göndərilmiş həmin 26 musiqinin siyahısına baxsaq görərik ki, onlardan biri də Azərbaycan qoboyçusu, bəstəkarı Kamil Cəlilovun balabanda ifa etdiyi Azərbaycan muğamı olub”.