“İyul ayında Azərbaycanla-Ermənistan arasında baş verən gərginlikdən sonra Rusiyada iki millətin nümayəndələri arasında bəzi toqquşmalar qeydə alınıb”.

Cebhe.info xəbər verir ki, bunu Rusiyanın Xarici İşlər naziri Sergey Lavrov deyib. O bildirib ki, bu zaman əmlaka ciddi ziyan dəyməsi faktları da qeydə alınıb:

"Ancaq bu hadisələrin təkrarlanmaması, Rusiyada Qarabağa görə azərbaycanlılar və ermənilər arasında toqquşma olmaması üçün müvafiq tədbirlər görülüb".

"Kommersant" qəzetinə müsahibəsində nazir qeyd edib ki, vasitəçi kimi Rusiyanın vəzifəsi münaqişənin dinc yolla həllinə yardım etməkdir.