"Niyə vətəndaş adi vəsiqə almaq üçün 40 manat ödəməlidir?!" - Deputatdan ETİRAZ

4-05-2021, 14:22           
 "Niyə vətəndaş adi vəsiqə almaq üçün 40 manat ödəməlidir?!" - Deputatdan ETİRAZ
“Azərbaycanın vətəndaşları dövlətin idarəetmə xərclərini vergilərlə öz üzərinə götürüb”.

APA-nın məlumatına görə, bunu Milli Məclisin bu gün keçirilən iclasında deputat Qüdrət Həsənquliyev deyib.

Deputat təklif edib ki, vətəndaş hansısa sənəd üçün müraciət edəndə ondan rüsum ödəməsi istənilir: “Niyə vətəndaş adi vəsiqə almaq üçün 40 manat ödəməlidir?! Vətəndaş üzrsüz səbəbdən vəsiqə alırsa, yəni özü itiribsə, xarab edibsə, onda rüsum ödəsin. Ancaq dəyişdirilməsinin vaxtı çatıbsa, niyə pul ödəsin?! Onsuz da vətəndaş həmin qurumu saxlamaq üçün vergi ödəyir. Bu formada vətəndaşlardan təkrar pul yığılmasına son qoyulmalıdır”.

Deputat Əli Məsimli isə qeyd edib ki, bu məsələyə konseptual yanaşaraq, gələcəkdə buna hansısa formada baxmaq olar.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru