Azərbaycan Müdafiə Nazirliyinin yaydığı açıqlamaya görə, Erməni mənbələri tərəfindən Rusiya sülhməramlı kontingentinin müvəqqəti yerləşdiyi Azərbaycan əraziləri boyunca guya vəziyyətin gərginləşdiyi barədə verilən xəbərlər həqiqəti əks etdirmir.

Məntəqədə mövqelərin və dislokasiya yerlərinin dəqiqləşdirilməsi aparılır, hər hansı toqquşma və ya insident baş verməyib.

Qeyd edək ki, artıq Xocalı rayonu ərazisindəki Fərrux dağı ordumuzun nəzarətindədir. Təbii ki, bu cür böyük strateji əhəmiyyətə malik dağın və zirvənin qan tökülmədən nəzarətə götürülməsi növbəti zəfərdir.

Day.Az xezerxeber.az-a istinadən bildirir ki, bu dağın nə dərəcədə əhəmiyyət kəsb etdiyini isə hərbi ekspert Şair Ramaldanov "Xəbər Ertəsi"nə açıqlayıb.