“WhatsApp”da daha bir funksiya işə salınır.

Bizim.Media-nın məlumatına görə, bundan sonra “WhatsApp”da özünə mesaj göndərmək mümkün olacaq.

Məlumata görə, yenilik istifadəçiyə yalnız onun üçün nəzərdə tutulan qeydlər və xatırlatmalar göndərməyə imkan verir. Yaxın həftələrdə yenilik bütün Android və iOS istifadəçiləri üçün əlçatan olacaq.

Özünə mesaj göndərmək üçün kontaktlarda nömrənizi tapmaq kifayət edəcək. Qeyd edək ki, sözügedən funksiya “Telegram”da 2017-ci ildən var.